Şeirlər yazılan, mahnılar bəstələnən gözlər yox imiş

İnsan biologiyasına görə qara göz rəngi mümkün deyil. Qara zərərli günəş işığını udur. Bu da göz quruluşunun pozulmasına və xərçəngə səbəb olur.

Millinews.az xəbər verir ki, dünyada çoxlu göz rəngləri var; qəhvəyi, mavi, yaşıl və qarışıq. Boz və kəhrəba kimi nadir rəngləri belə görmək mümkündür, ancaq bir qara rəng yoxdur.

Qara göz rəngi bioloji cəhətdən mümkün deyil. Göz rəngindən məsul olan təxminən 16 fərqli gen var. Bu genlərdən ikisi əsas amillərdir. Melanin hüceyrələri mavi və boz kimi müxtəlif rənglər yarada bilər, lakin mümkün olan ən tünd rəng qara deyil, çox tünd qəhvəyidir.

Yaxşı, niyə qara gözlər ola bilməz?

Qara işığı çox udur. Həddindən artıq işıq bədəndə istilik enerjisinə çevrilir. Temperatur artdıqca gözlərdə quruluq yaranır və gözləri qorumaq üçün bədən bir neçə dəfə daha çox gözyaşı çıxarmalıdır. Bu vəziyyət insanların hər zaman ağlaması ilə nəticələnir. Bununla belə, həddindən artıq göz yaşları da görmə qabiliyyətimizin bulanmasına səbəb ola bilər.

İkinci səbəb Günəş işığından gələn ultrabənövşəyi şüalardır. Qara gözlər onu çox udduğu üçün təhlükəli şüalara məruz qalacaqdıq. Bu vəziyyət xərçəng və göz sağlamlığının ciddi şəkildə pisləşməsi kimi ciddi risklərə səbəb ola bilər. Ancaq xoşbəxtlikdən, genetik quruluşumuz sayəsində göz qişasına rəng verən melanin bizi ultrabənövşəyi şüalardan qoruyur.

Araşdırmalar göstərir ki, melanin hüceyrələri zərərli ultrabənövşəyi şüaların 99,9 faizini yox edir və gözləri günəşdən yaranacaq zədələrdən qoruya bilir.

Aysel Şahmar