Molla rejimi edamları sürətlə artırır

İranda həyata keçirilən edamlar 2022-ci ilin eyni dövrü ilə müqayisədə 30% artıb.

Millinews.az xəbər verir ki, bu barədə BMT-nin baş katibi Antonio Quterreş BMT-nin Baş Assambleyasında İranda insan haqlarının hazırkı vəziyyəti ilə bağlı hesabatında bildirib. O deyib ki, ölkədə 2022-ci ilin sentyabrında İranın İslami geyim qaydasını pozaraq hicabını açdığı iddiası ilə əxlaq polisi tərəfindən saxlanılan 22 yaşlı Məhsa Əmininin ölümü ilə nəticələnən ümummilli etirazlarla əlaqədar və ya bu etirazlarda iştirak etdiklərinə görə yeddi kişi edam edilib:

“İşgəncə nəticəsində əldə edilmiş ola biləcək məcburi etiraflarda adekvat və vaxtında hüquqi təmsilçiliyə çıxış tez-tez rədd edilirdi”.

Onun sözlərinə görə, 239 nəfər narkotiklərlə əlaqəli cinayətlərə görə edam edilib ki, bu da keçən ilin eyni dövrü ilə müqayisədə 98% çoxdur:

“İran ilin ilk 7 ayı ərzində ən azı 419 nəfərin ölümünə səbəb olmuş edamları “həyəcanverici bir sürətlə” həyata keçirir. Bu, 2022-ci ilin eyni dövrü ilə müqayisədə 30% artım deməkdir”.

Nəzrin