Xəbərlər
Bakıda quyuya düşən 85 yaşlı qadın belə xilas edildi
![Bakıda quyuya düşən 85 yaşlı qadın belə xilas edildi 1 2db406d3 df18 3e97 a9e1 eac107df8aa8 850](https://millitv.net/wp-content/uploads/2023/11/2db406d3-df18-3e97-a9e1-eac107df8aa8_850-780x470.jpg)
Fövqəladə Hallar Nazirliyinin (FHN) “112″ qaynar telefon xəttinə Bakı şəhərinin Xətai rayonu, Əhmədli qəsəbəsi ərazisində 1 nəfərin su quyusuna düşərək təhlükəli vəziyyətdə qalması barədə məlumat daxil olub.
Millinews.az xəbər verir ki, FHN-in Bakı Regional Mərkəzinin xilasediciləri çağırış ünvanına cəlb olunub.
Hadisə yerində əməliyyat şəraiti qiymətləndirilərkən müəyyən olunub ki, 1938-ci il təvəllüdlü vətəndaş S.Cəfərova fərdi yaşayış evinin həyətyanı sahəsində dərinliyi təqribən 8 metr olan su quyusuna düşərək təhlükəli vəziyyətdə qalıb.
Xilasedicilər operativ olaraq xüsusi xilasetmə vasitələri ilə vətəndaşı quyudan çıxararaq xilas ediblər.