“Qızıl topu” qazanan Messidən açıqlama: Onlarla yenidən görüşəcəyik

“Qızıl top”un sahibi Lionel Messi rəqibləri Kilian Mbappe və Erlinq Haaland haqqında danışıb:

Millinews.az xəbər verir ki, o, PSJ və “Mançester Siti”də çıxış edən hücumçuların gələcəkdə bu mükafata sahib çıxacaqlarını bildirib:

“Onlar qeyri-adi futbolçulardır. Kilianla iki il eyni klubda (red – PSJ-də) oynamışam, bilirəm ki, onun böyük istedadı var. Mbappe hələ çox gəncdir, daha doğrusu hər ikisi də gəncdir. Biz onlarla gələcəkdə burada yenidən görüşəcəyik. Haalandın da görkəmli karyerası var. Mən əminəm ki, onlar da tezliklə “Qızıl top”un qalibi olacaqlar”.

Qeyd edək ki, “Qızıl top”un səsverməsində Mbappe üçüncü, Haaland ikinci olub.

Argentina millisinin və “İnter Mayami” 36 yaşlı kapitanı karyerasında rekord, 8-ci dəfə futboldakı ən nüfuzlu fərdi mükafatın sahibi olub. O, daha əvvəl 2009, 2010, 2011, 2012, 2015, 2019, 2021-ci illərdə bu uğura nail olub.

Heybət