Ona mesaj göndəriblər: Mənimlə görüşsən, nənəmi qəfəsdən buraxacam

Laura Vuds tanınmış qadın jurnalistlərdən biridir. O, “Sky Sports” və “TalkSPORT”da işlədikdən sonra məşhurlaşıb. Yeni mövsümdən isə “TNT Sport”da çalışır.

36 yaşlı britaniyalı televiziya ulduzuna bu yaxınlarda maraqlı sual verilib. Ondan “İnstaqram”da aldığı ən qəribə şəxsi mesajın nə olduğunu soruşublər. Vusun cavabı hər kəsi təəccübləndirib:

“Bir oğlan var idi, şəkil göndərirdi. Nənəsinin qəfəsdə çəkilmiş şəkli idi. “Laura, nənəm acdır, qəfəsdən çıxmaq istəyir. Ancaq mənimlə içki içsən, onu buraxacağam”, -deyə yazmışdı. Təbii ki, ona cavab vermədim. Bir həftə sonra yenidən yazdı: “O, hələ də oradadır. Laura, lütfən, onu buraxın””.

Laura qeyd edib ki, bu, ona gələn yeganə qəribə təklif deyil.

Heybət