Qocalma və hüceyrələrin məhvini ləngidən faydalı içki

İtburnu çayı təkcə bədəni isitməklə qalmır, həm də sağlamlıq üçün bir çox faydaları var, lakin onu ehtiyatla dəmləmək və içmək lazımdır.

Millinews.az xəbər verir ki, bu barədə Lenta.ru-ya həkim-ekspert Yekaterina Kaşux məlumat verib.

“İtburnu güclü antioksidant olan C vitamini ilə zəngindir: qocalma və hüceyrələrin məhv olma prosesini ləngidir, onları bakteriya və virusların təsirinə daha az həssas edir. Bu o deməkdir ki, orqanizm mövsümi xəstəliklərə qarşı daha yaxşı müqavimət göstərəcək. Bundan əlavə, itburnunun tərkibində bədəndə iltihablı proseslərin intensivliyini azaltmağa kömək edən maddələr – flavonoidlər var. Nəticədə, insan daha az xəstələnir və xroniki xəstəliklərin, o cümlədən artritin gedişi yavaşlayır. Ancaq giləmeyvə düzgün dəmlənməlidir. Hər porsiya üçün bir və ya iki çay qaşığı giləmeyvə qəbul etmək tövsiyə olunur. Onların üzərinə qaynar su tökün və 5-10 dəqiqə dəmləyin. Nəticədə hazırlanan həlimi kiçik süzgəclə süzmək lazımdır. İstəyə görə, bal əlavə edə bilərsiniz, bu, içkinin antiinflamatuar xüsusiyyətlərini artıracaq və onu daha da faydalı edəcək. Həlimi həm isti, həm də soyudulmuş şəkildə içə bilərsiniz. Belə çay allergiyası olan insanlar üçün əks göstərişdir və itburnu bəzi dərmanların sorulmasına mane ola bilər. Odur ki, itburnu çayı içməzdən əvvəl həkiminizlə məsləhətləşin”, – ekspert bildirib.

Aytən Məftun