Banqladeşdə qatarlar toqquşdu – 17 ölü, 100-dən çox yaralı var

Banqladeşdə yük qatarı ilə sərnişin qatarı toqquşub.

Millinews.az xarici mətbuata istinadən xəbər verir ki, hadisə Bhairab şəhərində qeydə alınıb.

Bildirilib ki, hadisə nəticəsində 17 nəfər ölüb, 100-dən çox insan yaralanıb. Qəza bölgəsinə bir neçə axtarış-xilasetmə qrupu və təcili yardım maşınları göndərilib.

Səlahiyyətlilər ölənlərin sayının artacağını istisna etmir.

Hazırda faktla bağlı araşdırma aparılır.