Xəbərlər
Haaqadakı BCM binası qarşısında polislə qarşıdurma
![Haaqadakı BCM binası qarşısında polislə qarşıdurma 1 cd80cb8d 99d6 4c65 a030 42560dbc49ee](https://millitv.net/wp-content/uploads/2023/10/cd80cb8d-99d6-4c65-a030-42560dbc49ee-780x470.jpg)
Niderlandın Haaqa şəhərində Beynəlxalq Cinayət Məhkəməsinin (BCM) qarşısında Fələstinə dəstək aksiyası keçirilib.
“Report” “Nu.nl” nəşrinə istinadən xəbər verir ki, Turfmarkt meydanına toplaşan yüzlərlə insan Qəzza zolağında Əl-Əhli xəstəxanasına edilən hücuma etirazlarını ifadə edib.
Fələstin bayraqlarını dalğalandıran nümayişçilər müxtəlif şüarlar səsləndirib. İştirak edənlər həmçinin Amsterdamın İsrailin hərəkətlərinə reaksiya verməməsindən narazılıqlarını bildiriblər.
Bir müddət sonra etirazçılar ictimai asayişin qorunmasını təmin edən polisə fişəng və butulka atmağa başlayıb. Hüquq-mühafizə orqanlarının əməkdaşları mitinqi dağıdıb.