Canni De Byazi: “Qol vursaydıq, rəqib qələbəni pivə ilə bayram etməyəcəkdi”
![Canni De Byazi: “Qol vursaydıq, rəqib qələbəni pivə ilə bayram etməyəcəkdi” 1](https://millitv.net/wp-content/uploads/2023/10/W1siZiIsIjIwMjMvMTAvMTYvMjMvMTEvNTAvMzMxYmYzN2YtNTRlZS00MDU4LTk4ODEtYWZkZDYzZDM0Nzk4L0I0cTlEUjVWS3FXa2JMOFlDU0ptbkh6Qkxrbm9NMURLQkplbFRGdlYgKDEpICgxKS5qcGciXV0.jpeg)
Bizim WhatsApp kanalımıza buradan abunə ola bilərsiniz
“Yaxşı oyun keçirdik. İlk hissədə bacarığımızı göstərə bilmədik. Amma balansı saxlamışdıq və mübarizə aparırdıq”.
Oxu.Az xəbər verir ki, bu sözləri AVRO-2024-ün seçmə mərhələsinın VIII turunda keçirilmiş Azərbaycan – Avstriya oyunundan sonra təşkil olunan mətbuat konfransında yığmamızın baş məşqçisi Canni De Byazi deyib.
0:1 hesabı ilə məğlub olan komandanın çalışdırıcısı son dəqiqələrdə qol epizodundan yararlana bilmədikləri üçün təəssüfləndiyini bildirib:
“İkinci yarıda yaxşı oyun gedirdi və bu səbəbdən dəyişikliklərə ehtiyac görmürdük. Güclü komandaya qarşı mübarizə apardıq. Fasilədən sonra penaltidən buraxdığımız qolla məğlub olduq”.
67 yaşlı mütəxəssis futbolçuların nədənsə çəkindiyini söyləyib:
“Avstriya yaxşı komandadır. Amma biz də inkişaf edirik. Sonuncu dəqiqələrdə qol vursaydıq, rəqib qələbəni pivə ilə bayram etməyəcəkdi”.
De Byazi futbolçuların bu gün meydanda güclərini qoyduğunu vurğulayıb:
“Onlardan razıyam. Nəticə fərqli olsaydı, daha çox sevinərdik”. O, Avropa çempionatına qatılmaq üçün Millətlər Liqasında pley-off şanslarının davam etməsi barədə danışıb: “Bizim bəxtimizdəm Yunanıstan da, Lüksemburq da uduzacaq (gülür)”.