Prokurorun sualına Vaqifin cavabı: Heç özüm də bilmirəm

Xocalı rayonunun Meşəli kəndində soyqırımı törətməkdə ittiham olunanlardan biri – Vaqif Xaçatryanın bu gün növbəti məhkəmə prosesi keçirilir.

Millinews.az-ın xəbərinə görə, Bakı Hərbi Məhkəməsində baş tutan iclasda zərərçəkmiş İbadullayev Niyaz çıxış edib.

Zərərçəkən qeyd edib ki, hadisə zamanı orada olmamışam:

“Qardaşım şəhid olub. Kəndin yuxarısında onu gülləliyiblər. Nə qədər qohumum şəhid olub. Bu cinayətkarlar onları öldürüblər”.

Prokuror Vaqifə sual verib: “Kənd camaatı ilə aranın yaxşı olduğunu deyirsən. Bəs niyə bura gələn hamı sənin adını çəkir?”

Vaqif Xaçatryan bildirib ki, heç özüm də bilmirəm: “Burada ancaq mənəm. Ona görə də mənim adım hallanır”.

Aysel Şahmar