Xəbərlər
Messi 8-ci dəfə “Qızıl top”u qazandı
![Messi 8-ci dəfə “Qızıl top”u qazandı 1 3702f40c d969 3a91 a3f0 54a45b67661f 850](https://millitv.net/wp-content/uploads/2023/10/3702f40c-d969-3a91-a3f0-54a45b67661f_850-780x470.jpg)
“France Football” nəşrinin təsis etdiyi “Qızıl top” mükafatının qalibi müəyyənləşib.
Millinews.az-ın məlumatına görə, bu mükafata ABŞ-ın “İnter Mayami” klubunun kapitanı Lionel Messi layiq görülüb.
Argentinalı hücumçu karyerasında 8-ci dəfə titula sahib çıxıb. 36 yaşlı futbolçuya mükafatı “İnter Mayami”nin sahibi, əfsanəvi ingiltərəli futbolçu Devid Bekhem təqdim edib.
Lionel Messi 2022-ci ilin noyabr-dekabr aylarında Qətərdə keçirilən dünya çempionatının qalibi olub. O, daha əvvəl 2009, 2010, 2011, 2012, 2015, 2019 və 2021-ci illərdə “Qızıl top”un sahibi olub.
2023-cü ilin ən yaxşı qadın futbolçusu isə İspaniya yığmasının və yerli “Barselona” klubunun 25 yaşlı yarımmüdafiəçisi Aytana Bonmati seçilib.