Putin Ayla bağlı PLANI TƏSDİQLƏDİ

“Rusiya Ayı öyrənməyə davam edəcək, Ay proqramı bağlanmayacaq”.

Millinews.az xəbər verir ki, bu barədə Rusiya Prezidenti Vladimir Putin məlumat verib .

Alim Denis Demin prezident və gənc kosmik sənaye mütəxəssisləri arasında keçirilən görüşdə bildirib ki, “Luna-25” layihəsi üzərində işləyən komanda gələcək missiyalar üçün planlaşdırılan problemləri və texniki həlləri diqqətlə təhlil edir.

Tədqiqatçı qeyd edib ki, ay proqramında fasiləyə yol vermək olmaz, çünki yığılmış bacarıqlar yenidən itirilə bilər.

“Olacaq, olacaq… biz onu bağlamağı planlaşdırmırıq”, – deyə Rusiya lideri cavab verib.

Oktyabr ayında Roskosmos bildirmişdi ki, “Luna-25” kosmik gəmisi əmrlərin yerinə yetirilməsinə üstünlük verə bilməyən bort idarəetmə blokunun işindəki xəta səbəbindən qəzaya uğraya bilərdi.

Hüseyn İbadlı