HƏMAS dünyadan silinməlidir – Eli Koen

“HƏMAS dünyadan silinməlidir”.

Millinews.az xəbər verir ki, bunu İsrailin xarici işlər naziri Eli Koen “X”də yazıb.

O, BMT Baş katibi Antoniu Quterreşlə görüşdən imtina etdiyini bildirib.

Nazir buna səbəb kimi BMT-nin balanslı siyasət yeritdiyini göstərib: “7 oktyabrdan sonra balanslaşdırılmış yanaşmaya yer yoxdur”.

Qeyd edək ki, oktyabrın 7-də HƏMAS İsrailə bir neçə min raket atıb. Bunun fonunda İsrailin milli təhlükəsizlik naziri İtamar Ben-Qvir həmin gün ölkədə fövqəladə vəziyyət elan edib. İsrailin Baş naziri Benyamin Netanyahu ölkənin müharibə vəziyyətində olduğunu bəyan edib.