“Jirona” rəqibini qol vurmağa peşman etdi

İspaniya La Liqasının 10-cu turunun “Jirona” – “Almeriya” matçı gözlənildiyindən daha maraqlı alınıb.

Millinews.az xəbər verir ki, hesabı 2-ci dəqiqədə qonaqlar açıb. 24-cü dəqiqədə Baptistau dubla imza atıb. Lakin meydan sahibləri möhtəşəm geridönüş edərək qonaqları fərqlənməyə peşman ediblər.

Oyun 5:2 “Jirona”nın xeyrinə başa çatıb.

Bu qələbədən sonra xalını 25-ə çatdıran komanda İspaniya çempionatının lideri “Real Madrid”i yaxalayıb. “Almeriya” isə üç xalla turnir cədvəlinin sonuncu pilləsində qərarlaşıb.