3 “hizbullah”çının olduğu evi vurduq

İsrail ordusundan verilən açıqlamada, hərbi helikopterlərin İsrailə tank əleyhinə raketlər atmağa hazırlaşan 3 “Hizbullah” üzvünün olduğu hücrəni hədəf aldığı bildirilib.

Millinews.az xəbər verir ki, İsrail ordusunun “Hizbullah”ın infrastrukturunu hədəf almağa davam etdiyi bildirilən bəyanatda, “Qüvvələrimiz “Hizbullah”a məxsus bir sıra infrastruktur obyektlərini, o cümlədən kəşfiyyat və xəbərdarlıq məntəqələrini hədəfə alıb”,- deyə qeyd olunub.

Xatırladaq ki, Livan sərhədində İsrail ordusu ilə “Hizbullah” arasında oktyabrın 8-də başlayan qarşıdurmada 12 “Hizbullah”, 2 “İslami Cihad” üzvü və biri jurnalist olmaqla 3 mülki vətəndaş həyatını itirmişdi. Livanın həyata keçirdiyi hücumlarda iki İsrail əsgəri və bir İsrail vətəndaşı həyatını itirib.

Nəzrin