“Hərdən özümə ölüm arzulayıram, istəyirəm hər şeydən canım qurtarsın”

Meyxanaçı Ağamirzə Məmmədov hərdən özünə ölüm arzuladığını etiraf edib.

O, bu barədə “Qapqara” “Youtube” layihəsində danışıb.

Sənətçi bunun səbəbini belə izah edib:

“Həyat mənim üçün beş dəqiqəlik bir şeydir. Buradan ora keçməkdir, vəssəlam. Hərdən özümə ölüm arzulayıram. İstəyirəm hər şeydən canım qurtarsın. Pis insanlardan, fitvalardan və daha nələrdən-nələrdən. Təkcə buradan Maştağaya gedənə qədər nə qədər adamla mübahisə edirsən ki, yoluma girmə. Amma mən etmirəm. Fikirləşirəm ki, xəstəsi var, mədəsinə sancı düşüb, fikirlidir ya da dəlidir. Qoy, getsin də. Bir az səbrli olmaq daha yaxşıdır. Həyatdır, hərdən belə düşünürəm”.