Avropada sorğu keçirildi: Aygün Kazımovanı tələb etdilər

Aygün Kazımova növbəti konsertini Avropada verəcək.

Millinews.az xəbər verir ki, Xalq artisti Almaniyada Bergkamendə səhnəyə çıxacaq. Belə ki, Avropada yaşayan azərbaycanlılar arasında sorğu keçirilib və ən çox istənilən müğənni məhz Kazımova olub. Tədbir noyabrın 3-də planlaşdırılıb. Pop diva tədbirdə hit mahnılarını xaricdə yaşayan həmyerlilərimiz və gecənin qonaqları üçün səsləndirəcək.

“Əziz Avropada yaşayan həmvətənlərim, nəhayət sizin görüşünüzə gəlirəm. Yeni konsert proqramımla noyabrın 3-də sizin yolunuzu gözləyəcəyəm. Yox, bu dəfə siz mənim yolumu gözləyin”, – Aygün açıqlamasında qeyd edib.

Tədbirin aparıcılığını Afaq Gəncəli edəcək.