Millinews.az – İsrail “Hizbullah”ın Livandakı infrastrukturuna zərbələr endirir
Bizim WhatsApp kanalımıza buradan abunə ola bilərsiniz
İsrail təyyarələri “Hizbullah”ın Livandakı infrastrukturuna zərbələr endirir.
Bu barədə İsrail Müdafiə Ordusunun (İMO) Mətbuat Xidməti “X” sosial şəbəkə hesabında məlumat yayıb.
“İMO qırıcıları hazırda “Hizbullah”ın Livandakı hərbi infrastrukturuna zərbələr endirir”, – açıqlamada deyilir.
Mətbuat Xidməti qeyd edib ki, Livanla sərhəddə İsrail hərbçilərinə atəş açılması ilə əlaqədar həmin bölgədəki Müdafiə Ordusunun əsgərləri cavab atəşi açırlar.
9 rockets were fired from Lebanon into Israeli territory.
The IDF Aerial Defense Array intercepted 5 rockets according to protocol.
The IDF is currently striking the launchsite in Lebanon.
— Israel Defense Forces (@IDF) October 15, 2023
12:45
Livandan İsrailin şimalındakı Yuxarı Qalileya bölgəsinə tank əleyhinə raketlə atəş açılıb. Üç yaralı var, onlardan biri ağır vəziyyətdədir.
Bu barədə İsrail ordusunun radiosu xəbər verir.
Qətərin “Əl-Cəzirə” telekanalı “Hizbullah”dakı mənbələrə istinadən xəbər verir ki, təşkilat İsrailin şimalında yerləşən Yuxarı Qalileya bölgəsini atəşə tutmağa görə məsuliyyəti öz üzərinə götürüb.
İsrailin “KodKod” “Telegram” kanalının verdiyi məlumata görə, mərmilər nəticəsində yaralanan 5 nəfərdən biri dünyasını dəyişib.
