Millinews.az – Azərbaycanın Beynəlxalq Ədalət Məhkəməsindəki nümayəndə heyəti Ermənistanın yalanlarına cavab verəcək

Bu gün Beynəlxalq Ədalət Məhkəməsi Beynəlxalq Konvensiyanın (CERD) tətbiqi ilə bağlı iş üzrə ictimai dinləmələr keçirir.

Bu barədə Azərbaycan Xarici İşlər Nazirliyinin Mətbuat Xidməti İdarəsinin rəisi Ayxan Hacızadə “X” hesabında paylaşım edib.

“16:00-da (Bakı vaxtı ilə 18:00) Azərbaycan xarici işlər nazirinin müavini Elnur Məmmədovun rəhbərlik etdiyi Azərbaycan nümayəndə heyəti Ermənistanın bəyanatlarına qarşı şifahi arqumentlər təqdim edəcək”, – deyə o qeyd edib.