Dəhşətli qətlin ŞOK TƏFƏRRÜATI: azyaşlı övladının gözləri qarşısında…
Bakının Binəqədi rayonunda baş verən qətlin detalları məlum olub.
Millinews.az “Xəzər Xəbər”ə istinadla xəbər verir ki, ağır cinayət səhərə yaxın paytaxtın Binəqədi rayonu “Motodrom” adlanan ərazidə yerləşən fərdi evdə baş verib. Rayon prokurorluğuna 36 yaşlı Zülfiyyə Xamoyevanın öldürülməsi barədə məlumat daxil olub. İstintaq qrupu hadisə yerinə cəlb edilib.
Keçirilən əməliyyat-axtarış tədbirləri ilə cinayəti törətməkdə şübhəli bilinən qadının ər-arvad münasibətində olduğu 42 yaşlı Qədir Qasımov saxlanıb. O, istintaqa ilkin ifadəsində qadını yatdığı yerdə bıçaqlayaraq qətlə yetirdiyini bildirib.
Zülfiyyə Xamoyevanın anasının sözlərinə görə, qızı bir müddətdir iki uşağı ilə onun yanında qalırmış.
Mərhumun bacısı Sima Cavadova isə bildirib ki, Zülfiyyə Xamoyeva onunla birlikdə Nərimanov rayonunda yerləşən iaşə obyektində qabyuyan işləyib. İddia edilir ki, Qədir Qasımov hadisəni qısqanclıq zəminində öldürüb.
Qədir Qasımov şübhəli şəxs qismində tutulub.
Faktla bağlı cinayət işi başlanıb.
xxx
08:33
Bakıda həyat yoldaşını qətlə yetirməkdə şübhəli bilinən şəxs saxlanılıb.
DİN-in mətbuat xidmətindən Millinews.az-a bildirilib ki, noyabrın 2-də saat 07 radələrində Binəqədi rayonu yeni yaşayış massivində evlərin birində 1986-cı il təvəllüdlü Xamoyeva Zülfiyyə Alim qızının kəsici alətlə qətlə yetirilməsi barədə polisə məlumat daxil olub.
Cinayət əməlini törətməkdə şübhəli bilinən qadının həyat yoldaşı 1981-ci il təvəllüdlü Qasımov Qədir Tahir oğlu saxlanılıb.
Araşdırma aparılır.
