Putin geri çəkilir: Rusiya prezidentliyinə 5 əsas namizəd onlardır

Amerikanın AP agentliyi Rusiya Federasiyasında keçiriləcək prezident seçkiləri ilə bağlı təhlili yazı hazırlayıb.

Millinews.az xəbər verir ki, nəşrin müəllifi Cim Haynts iddia edib ki, Vladimir Putin öz namizədliyini irəli sürməyə bilər, ona görə də Rusiya dövlətinin başçısı postunu namizədlər nəzərdən keçirilir.

Nəşrin köşə yazarı Rusiyanın potensial prezidentlərindən biri kimi Moskva meri Sergey Sobyaninin adını çəkib. Seçki kampaniyasının əsasını təşkil edə biləcək paytaxt meri kimi fəaliyyəti onun xeyrinə danışır.

Köşə yazarı Mixail Mişustini Rusiya lideri kimi görmür, onu texnokrat kimi xarakterizə edir. Eyni zamanda, Haynts seçkilər keçirilənə qədər Rusiya Federasiyasının hazırkı Baş nazirinin müvəqqəti olaraq ölkənin sükanı arxasına keçə biləcəyi ehtimalını etiraf edib.

Jurnalist Rusiya prezidenti postuna potensial namizəd kimi Təhlükəsizlik Şurasının katibi Nikolay Patruşevin adını çəkib. Onun namizədliyi Putinlə baxışların oxşarlığı ilə dəstəklənir. Digər mümkün variant Tula vilayətinin qubernatoru, bir neçə ildir Putinin varisi olacağı iddia edilən Aleksey Dyumindir. Beşinci siyasətçi artıq Rusiya dövlətinin başçısı vəzifəsini icra etmiş Dmitri Medvedevdir.

“Prezident olmasına baxmayaraq, Medvedev həmişə ikinci dərəcəli şəxs olub. Ölkəni həmin vaxt baş nazir olan Putin idarə edirdi”, – Haynts vurğulayıb.

Tural