Bu qidalar qanın qatılaşmasına səbəb olur

Qalın qan varikoz damarları, angina, infarkt və digər təhlükəli xəstəliklərə səbəb ola bilər. Onların meydana gəlməsi riskini azaltmaq üçün balanslı bir pəhriz saxlamaq və bədəni susuz saxlamamaq vacibdir.

Millinews.az xəbər verir ki, bu barədə kardioloq Tamaz Qaqloşvili məlumat verib. O, Teleqram kanalındakı videolardan birində bildirib ki, insanın qan laxtalanmasının qarşısını alan antikoaqulyantlara göstərişi olmadıqda, onun qanı durulaşdırmağa ehtiyac yoxdur, sadəcə yetəri qədər su içmək kifayətdir.

Öz növbəsində toksikoloq və professor Mixail Kutuşov qeyd edib ki, ümumi analiz qan sıxlığının artdığını aşkar etməyə kömək edəcək. Mütəxəssisin fikrincə, şəkərdən imtina etməklə bu problemin öhdəsindən gələ bilərsiniz, çünki o, qlükoza səviyyəsini artırır. Nəticədə, lipid birləşmələrinin istehsalı artır və müvafiq olaraq, qanın qatılaşması və tromboz riski artır.

Mütəxəssis qarabaşaq yarması, banan və kartof yeməklərini ehtiyatla yeməyi tövsiyə edib. Mütəxəssis tərkibində taurin olan qidalara, xüsusən də dəniz məhsullarına diqqət yetirməyi məsləhət görüb. Çox vaxt yüksək qan qatılaçmasından əziyyət çəkən insanlarda protein çatışmazlığına rast gəlinir. Kutuşov onu da vurğulayıb ki, normalda hər kiloqram çəki üçün gündə ən azı 30 mililitr su içmək lazımdır və bunu kiçik qurtumlarla etmək lazımdır.

Aytən Məftun