Türkiyənin Fələstin və İsrail üçün bu düsturu gündəmdə: Qərb ölkələri maraq göstərirlər

Bəzi ölkələr, o cümlədən Qərb ölkələri Türkiyənin Fələstin və İsrail üçün qarant ölkələrin düsturuna maraq göstəriblər, lakin hələlik bu məsələ ilə bağlı konkret məlumat yoxdur.

Millinews.az xəbər verir ki, bu barədə RİA Novosti Ankaradakı məlumatlı diplomatik mənbəyə istinadən məlumat yayıb.

Bir müddət əvvəl Türkiyənin xarici işlər naziri Hakan Fidan bildirmişdi ki, Ankara Yaxın Şərqdə sülh əldə olunacağı təqdirdə Fələstin və İsrailə qarantların formulunu təklif edir.

O, xüsusən də Ankaranın Fələstinə qarant olmağa hazır olduğunu bildirib. Region və Qərb ölkələri Türkiyənin təklifinə hələlik münasibət bildirməyib.

“Türkiyə tərəfinin təklif etdiyi düstura bir sıra regional, eləcə də Qərb ölkələrinin marağını görürük. Xüsusilə, cənab nazir (Hakan Fidan) Qahirədə keçirilən sammitdəki çıxışında bunu da açıqlayıb. İştirakçılar bu təklifin mahiyyətini açıqlayır. Lakin hələlik hər hansı konkret bəyanatdan danışa bilmərik”, – agentliyin həmsöhbəti bildirib.

Mənbə təklifə maraq göstərən ölkələrin adlarını açıqlamaqdan imtina edib, çünki onlar tərəfində “konkret bəyanatlar yoxdur”.

Tural