Son münaqişədə ölən fələstinlilərin sayı açıqlandı

Oktyabrın 7-də Yaxın Şərqdə münaqişənin kəskinləşməsindən indiyə qədər fələstinlilər arasında ölənlərin ümumi sayı 3 mini keçib.

Bu barədə Fələstin Səhiyyə Nazirliyi öz “Telegram” kanalında məlumat yayıb.

Məlumata görə, Qəzza zolağında 3 minə yaxın, İordan çayının qərb sahilində isə ən azı 61 nəfər ölüb.

Həmçinin bildirilir ki, yaralıların ümumi sayı 13 750-yə çatıb. Onlardan 12 500-ə yaxını Qəzzada, ən azı 1250 nəfəri isə İordan çayının qərb sahilindədir.