“Atamı 13 yaşım olanda itirdim. Kaş atam-anam sağ olaydı və mənim qazancım onlara da qismət olaydı”.
Yenicag.az xəbər verir ki, bu sözləri tanınmış müğənni, Əməkdar artist Zakir Əliyev “Günaydın Azərbaycan” verilişində deyib.
Sənətçi həyatdan vaxtsız köçən atasından danışıb, həyata keçməyən nakam arzularını yada salaraq kövrəlib:
“Atam musiqini o dərəcədə çox sevirdi, musiqiyə bağlı insan idi. Yəqin ki, o məni səhnədə görsəydi, nə qədər xəstə olsaydı da belə, Allah ona o qədər böyük enerji verərdi, o yaşayardı. Çünki valideyn övladla nəfəs alır”.
