Ölkə
Məşhur meyxanaçı nəvəsinə Polad Həşimovun adını verdi
![Məşhur meyxanaçı nəvəsinə Polad Həşimovun adını verdi 1 rg1v6e515g6er](https://millitv.net/wp-content/uploads/2024/04/rg1v6e515g6er-780x450.jpg)
Meyxanaçı İntiqam Rüstəmov baba olub.
Bu barədə sənətçi “7 Tamam” verilişində bildirib. Sənətçinin sayca dördüncü nəvəsi dünyaya gəlib:
“Oğlumun oğul övladı oldu. Uşağa Azərbaycanın Milli Qəhrəmanı, şəhid general-mayor Polad Həşimovun adını vermişik. Heç kimə ağıl verə bilmərik, amma tövsiyyə edirəm ki, dünyaya gələn uşaqlara şəhidlərimizin adını verək. Tarixdən silinməsinlər, yaddaşlarda qalsınlar”.
Qeyd edək ki, 2020-ci il iyulun 12-16-da baş verən döyüşləri idarə edən Polad Həşimov iyulun 14-də səhər saatlarında Tovuz istiqamətində tabeliyində olan əsgərlərlə bir yerdə döyüş zamanı ön xətdə qəhrəmancasına şəhid olub. Polad Həşimov Azərbaycan Silahlı Qüvvələrinin hərbi əməliyyatlar zamanı şəhid olan birinci və yeganə generalıdır. / Axşam.az