Şəbnəm Qəhrəmanova: “Türkana görə bir qadını maşında döymüşəm”

“Bir xanım var idi, Türkan Vəlizadənin xətrinə dəymişdi, maşında onu çox pis döymüşdüm”.

Oxu.Az xəbər verir ki, bu sözləri “Space TV”nin efirində yayımlanan verilişlərdən birində müğənni Şəbnəm Qəhrəmanova deyib.

O bildirib ki, əvvəllər çox dalaşqan olub.

“Əvvəllər çox dalaşqan idim. Amma indi elə deyiləm. Söhbət qalmaqaldan getmir, əlbəyaxa davadan gedir. Gücüm yaxşıdır. Amma kimisə döyəndən sonra ağlayırdım ki, niyə belə etdim. Bir dəfə Türkan Vəlizadəyə görə maşında bir qadını döydüm. Sonra çox pis oldum ki, belə etməməliyəm. Türkan əvvəllər çox rahat idi”, – deyə o qeyd edib.