Azərbaycanı dünya birinciliyində təmsil edəcək şahmatçılar bəlli oldu

Noyabrın 13-də İtaliyanın Montesilvano şəhərində 14, 16 və 18 yaşlı qız və oğlan şahmatçılar arasında dünya birinciliyinə start veriləcək.

Azərbaycan Şahmat Federasiyasının mətbuat xidmətindən Millinews.az-a verilən məlumata görə, mötəbər yarışda 94 ölkədən 1000-ə yaxın şahmatçı mübarizə aparacaq.

Dünya birinciliyində Azərbaycanı Şiroğlan Talıbov, Aqil İsrailov, Hüseyn Seyid, Rüstəm Rüstəmov, Tunar Davudov, Ziya Həsənli, Ayan Allahverdiyeva, Səmra Qasımova, Nurtən Nuriyeva, Selcan İsmayıl, Lalə Hüseynova təmsil edəcəklər.

Azərbaycan şahmatçılarından ibarət komandaya məşqçi Fərid Abbasov rəhbərlik edir.

Qeyd edək ki, yarışa noyabrın 25-də yekun vurulacaq.

You must enable Javascript on your browser for the site to work optimally and display sections completely.