Qadınların bu kişilərdən ötrü ürəyi gedir
“Evolutionary Behavior Sciences” jurnalında dərc edilən araşdırmaya görə, kişilər qadınlara olan maraqlarını bildirmək və onlarla əlaqə yaratmaq üçün yumordan istifadə edirlər. Bununla yanaşı, qadınlar təkcə şən kişilərə üstünlük vermirlər, onların daha ağıllı olduqlarına və yaxşı pul qazandıqlarına da inanırlar.
Alimlər qadınların nə üçün şən kişilərə üstünlük verdiyini aşkar ediblər.
Amerikalı alimlərin apardığı yeni araşdırmada 162 qadın iştirak edib, onlardan əvvəlcədən seçilmiş fotoşəkillər əsasında bir neçə kişinin cəlbedicilik səviyyəsini qiymətləndirmək istənilib. Fotoşəkillərdə bir-birinə bənzəyən və qadınlara görə orta cəlbedicilik səviyyəsinə uyğun gələn kişilər əks olunub.
Alimlər fotoşəkillərlə yanaşı, qadınlara müxtəlif zarafatlar təqdim ediblər, bəziləri gülməli, digərləri isə o qədər də gülməli olmayıb. Tədqiqatçılar iştirakçılardan fotoşəkillər və zarafatlara əsaslanaraq kişinin telefon nömrəsini verməsini və ya onunla uzunmüddətli və ya qısamüddətli münasibət qurma ehtimalının nə qədər olduğunu qiymətləndirmələrini istəyib.
Araşdırma göstərib ki, qadınlar yumor hissi olan kişilərə yaxşı münasibət bəsləyirlər və ilk növbədə onlara telefon nömrəsini verməyə hazırdırlar. Zarafat etməyə çalışan kişilər, araşdırmanın göstərdiyi kimi, o qədər də həvəs yaratmasalar da, qadınlar güclü rədd cavabı da vermirlər.
Alimlərin fikrincə, qadınlar şən kişiləri daha etibarlı hesab etdikləri və onlarla uzunmüddətli münasibət qurmağı gözlədikləri üçün seçirlər. Yumor hissi olmayan, lakin cəlbedici olan kişilərə gəlincə, qadınlar onlarla qısa münasibət qura bilərlər.
Hər halda, alimlərin fikrincə, kişi yaxşı zarafat edib qadını əyləndirə bilirsə, lakin cəlbedici görkəmi də yoxdursa, onların da uzunmüddətli münasibət qurmaq şansı azdır.
Alimlər həmçinin müəyyən ediblər ki, qadınlar şən kişiləri daha bacarıqlı, buna görə də daha ağıllı hesab edirlər və eyni zamanda qadınlar belə kişilərin yaxşı pul qazandığını düşünürlər. Alimlərin fikrincə, şən kişilər qadınlara işlərində daha bacarıqlı və buna görə də daha etibarlı tərəfdaş kimi görünə bilər.
Əgər qadınlar buna inanırlarsa, o zaman kişinin həyatda daha uğurlu olacağına və çoxlu pul qazanacağına inana bilirlər. Ancaq kişilərin qadınları olduğundan daha yaxşı görünmək üçün qəsdən əyləndirmək riski həmişə var və bu, gələcək münasibətlərdə hər ikisi üçün xoşagəlməz nəticələrə səbəb ola bilər.
