Xəbərlər
İsrail millisi ev oyunlarını bu ölkədə keçirəcək
![İsrail millisi ev oyunlarını bu ölkədə keçirəcək 1](https://millitv.net/wp-content/uploads/2023/11/190371_aobz16a6xy.jpg)
İsrail milli komandasının Avro-2024-ün seçmə mərhələsində İsveçrə və Rumıniyaya qarşı ev oyunlarını keçirəcəyi yer müəyyənləşib.
Millinews.az UEFA-ya istinadən xəbər verir ki, komanda Qəzza zolağında baş verənlərlə əlaqədar ev oyunlarını İsraildə yox, Macarıstanın Felçsut şəhərindəki “Panço Arena”da keçirəcək.
İsrail yığması noyabrın 15-də İsveçrə, noyabrın 18-də isə Rumıniya ilə üz-üzə gələcək. UEFA-nın qərarına əsasən, hər iki matçda azarkeşlər stadiona buraxılacaq.
Qeyd edək ki, İsrail və Fələstin arasındakı müharibəyə görə UEFA İsrail təmsilçilərinin ev oyunlarını neytral meydanda keçirməsinə qərar verib.