Hərbçilərin bu ölkələrə səfəri qadağan edilir

Litva öz ölkəsinin ordusunun Litvanın milli təhlükəsizliyinə təhdid yaradan ölkələrə səfərini qadağan etməyi planlaşdırır.

Millinews.az LRT-yə istinadən xəbər verir ki, müdafiə naziri Arvydas Anusauskas Seymdə (Litva parlamenti-red.) müvafiq dəyişikliyi təklif edib.

Qanun layihəsinə əsasən, peşəkar hərbçilərin ölkəyə girişinin qadağan olunduğu ölkə və ərazilər hökumət tərəfindən təsdiqlənəcək.

Bundan əlavə, hərbi qulluqçuların şəxsi səbəblərə görə dost olmayan ölkəyə səfər etməli olduqları, habelə xüsusi bəyannamə doldurarkən onlara səfərə icazə verildiyi hallarda bir sıra istisnalar müəyyən ediləcək.

“Rusiya və Belarusun kəşfiyyat və təhlükəsizlik xidmətləri bu ölkələrin ərazilərinə səfər edən Litva vətəndaşlarına qarşı aktiv kəşfiyyat əməliyyatları həyata keçirir. Litva əsgərlərinin bu ölkələrə getməsi onlara qarşı hərbi xidmətə cəlb olunma və digər düşmənçilik hərəkətləri ehtimalını və riskini artırır”, – qanun layihəsinin izahatında deyilir.

Adəm