Qəzzadakı BMT anbarlarına basqın

Minlərlə insan Qəzza zolağında Yaxın Şərqdəki Fələstinli Qaçqınlara Yardım üzrə Agentliyinin (UNRWA) anbarlarına və paylama mərkəzlərinə daxil olaraq un və digər məhsulları oğurlayıb.

Millinews.az xəbər verir ki, bu barədə agentliyin saytında məlumat verilib.

Bildirilib ki, ərzaqla yanaşı digər əsas məişət ləvazimatları da aparılıb.

Agentliyin məlumatına görə, təkcə son bir həftə ərzində Qəzzaya 80-dən çox yük maşını yardım daxil olub.