İran ABŞ-ı “amansız atəş”lə HƏDƏLƏDİ
“Qəzza zolağında soyqırım davam edərsə, heç kim münaqişənin “amansız atəşindən” xilas ola bilməyəcək”.
Millinews.az xəbər verir ki, bu bəyanatla BMT Baş Assambleyasının 10-cu Fövqəladə Xüsusi Sessiyasının iclasında İranın xarici işlər naziri Hüseyn Əmir Abdullahiyan, artmaqda davam edən Fələstin-İsrail böhranının qurbanlarının sayının çox olması səbəbindən ABŞ səlahiyyətlilərinə müraciət edərək onları nəticələrlə hədələyib.
“Mən indi Fələstində soyqırımı həyata keçirən Amerika dövlət xadimlərinə açıq şəkildə deyirəm ki, biz regionda müharibənin yayılmasını alqışlamırıq”, – deyə nazir vurğulayıb.
O, əlavə edib ki, İran Qərbi Asiyanın bir hissəsidir, ona görə də evdə təhlükəsizlik məsələsinə gəldikdə heç bir qeyd-şərt yoxdur.
Abdullahiyan fələstinlilərin məcburi köçkünlüyünə və bölgədə mülki əhalinin həyatına son qoyan hərəkətlərə dərhal son qoymağa çağırıb.
Hüseyn İbadlı
