Rusiya və İran rəsmiləri Cənubi Qafqazı müzakirə etdi

Rusiya xarici işlər nazirinin müavini Mixail Qaluzin iranlı həmkarı Əli Bagiri ilə görüş zamanı Cənubi Qafqazdakı vəziyyəti müzakirə edib.

Millinews.az xəbər verir ki, bu barədə Rusiya XİN-in məlumatında deyilir.

“Cənubi Qafqazdakı vəziyyət əsaslı şəkildə müzakirə olunub. Tehranda keçirilmiş “3+3” platforması üzrə nazirlər görüşünün nəticələri nəzərə alınmaqla, regionda vəziyyətin sabitləşdirilməsi üçün çoxtərəfli sazişlərin həyata keçirilməsinin vacibliyi vurğulanıb”, – deyə bildirilib.

Tərəflər həmçinin Mərkəzi Asiya ilə bağlı aktual məsələlər və Ukrayna münaqişəsi ətrafında fikir mübadiləsi aparıblar.

You must enable Javascript on your browser for the site to work optimally and display sections completely.