Şəmkirdə 2 gəncin öldüyü dəhşətli qəzanın görüntüləri

Bazar günü Şəmkir rayonunda baş vermis ağır yol qəzasının görüntüləri yayılıb.

Millinews.az–ın əldə etdiyi məlumata görə, 2 gəncin ölümü, daha 2 nəfərin isə xəsarət alması ilə nəticələnən yol qəzasının qaranlıq vaxtı yüksək sürət səbəbindən baş verməsi məlum olub.

Qeyd edək ki, “Ford Transit” markalı yük maşını ilə “Lada Priora” markalı avtomobillərin toqquşmasından sonra “Lada” yanmağa başlayıb.

Hadisə nəticəsində “Lada”nın sürücüsü, 2003-cü il təvəllüdlü Kənan Yusibov hadisə yerində, onun sərnişini isə xəstəxanada ölüb. “Ford”un sürücüsü, 1993-cü il təvəllüdlü Elşən Mahmudlu və daha bir nəfər isə xəstəxanaya yerləşdirilib.

Faktla bağlı araşdırmalar davam etdirilir. Hadisə yerindən çəkilmiş görüntüləri təqdim edirik.

Turqut Seyidov