“Evimdə yeganə seksual şey mənəm” – Fotosessiya

Məşhur kolumbiyalı müğənni Şakira “Billboard” üçün kamera qarşısına keçib.

Millinews Axşam.az-a istinadla xəbər verir ki, ifaçı nəşrə müsahibəsində hazırkı həyatından da söhbət açıb.

“Özümü doqquzdan çox həyatı olan bir pişik kimi hiss edirəm. Nə vaxt yaxşı olmadığımı düşünsəm, birdən ikinci bir külək əsir. Bir neçə mərhələdən keçdim: inkar, qəzəb, ağrı, xəyal qırıqlığı, daha çox qəzəb, daha çox ağrı. İndi sağ qalma mərhələsindəyəm, boğulmamaq üçün başımı suyun üstündə saxlayıram. Bu, düşünmə mərhələsidir, çox çalışıram. Vaxtımı uşaqlarımla keçirirəm”.

O, oğulları ilə Mayamidəki yaşamından da danışıb:

“Hələ də uyğunlaşma prosesindəyəm. Gec uyğunlaşıram deyə, hələ də mənə çətindir.

Əsl futbol avtomobili sürürəm: Toyota Sienna. Heç də seksual deyil. Evimdə seksual maşın yoxdur. Evimdə yeganə seksual şey mənəm”.

Şakira bildirib ki, son vaxtlar həyat tərzi dəyişib və o, daha tez-tez evdən çıxıb dostları ilə vaxt keçirməyə başlayıb:

“Əvvəllər harasa çıxmağa həqiqətən tənbəllik edirdim. Ən sevdiyim paltar gecə geyimi idi. Yeni həyat tərzimi oğlum Milana borcluyam. Onu müxtəlif yarışlara aparıram. Həyatımda heç vaxt bu qədər idman tədbirində iştirak etməmişdim. Uşaqlar atalarının yanında olanda səhərdən-axşama kimi işləyirəm, sonra dostlarımla marqarita içirəm”.

Qeyd edək ki, Şakira 11 illik sevgilisi, “Barselona”nın keçmiş müdafiəçisi Jerar Pikedən xəyanətə görə ayrılıb. Onların iki oğul övladı var – 9 yaşlı Milan və 7 yaşlı Saşa. 

Şakiranın adı bir müddət əvvəl aktyor Tom Kruz və “Formula 1” pilotu Lyuis Hemiltonla hallanıb.