“Real”ın yeni hədəfi: “Qarabağ”ı yıxan futbolçu

“Qarabağ”ın Avropa Liqasının qrup mərhələsindəki rəqibi “Bayer Leverkuzen”in müdafiəçisi Alexandro Qrimaldo İspaniyaya qayıda bilər.

Millinews.az xəbər verir ki, 28 yaşlı futbolçu ilə “Real” maraqlanır. Bu barədə İspaniya mətbuatı məlumat yayıb.

Bildirilir ki, “kral klubu” müdafiənin sol cinahındakı problemi ispaniyalı futbolçuyla həll etmək istəyir. Qış transfer pəncərəsində olmasa belə, mövsümün sonunda onun transfer edilməsi planlaşdırılır.

“Barselona”nın yetirməsi olan Qrimaldo bu yay “Benfika”dan Almaniya təmsilçisinə transfer edilib.

Qeyd edək ki, o, cümə axşamı keçirilən “Bayer” – “Qarabağ” matçında (5:1) 2 qol vurub və 1 məhsuldar ötürmə edib.

Heybət