Onların cəzalandırılmasını gözləyirik – Hökumənin atası

Hökumənin ən böyük arzusu Kəlbəcərdən ev almaq olub.

Bunu bu gün II Fəxri Xiyabanda Milli Qəhrəman Hökumə Əliyevanın atası Cəlil Əliyev deyib.

“Qismət elə gətirdi ki, Prezident İlham Əliyev özü ailəmizə Kəlbəcərdə evin açarlarını təqdim etdi. Hazırda özüm Samuxda yaşayıram, oğlum isə ailəsi ilə birlikdə Kəlbəcərdə həmin evdə. Oğlum Kəlbəcərdə DOST mərkəzində çalışır”.

C.Əliyev hadisəni törədənlərin tezliklə məsuliyyətə cəlb olunmasını istəyib:

“Aidiyyəti qurumlardan xahiş edirəm, hadisəni törədənlər tezliklə məsuliyyətə cəlb edilsin və layiqli cəzalarını alsınlar”.