Sağ qalan bələdçi Aydan görün nə xahiş edib: “Bu videoları etməyin, mən aktrisa deyiləm, yaralarım göründüyündən dərindir”

Aktauda qəzaya uğrayan AZAL-a məxsus sərnişin təyyarəsinin sağ qalan bələdçisi Aydan Rəhimli görüntülərinin hansısa mahnının fonunda paylaşılmasını istəmir.

Bu barədə Aydanın müalicə olunduğu “Yeni Klinika”nın ictimaiyyətlə əlaqələr şöbəsinin müdiri Nuridə Allahyarova məlumat yayıb:

“Əziz dostlar, bələdçi Aydan xanımın bir xahişini çatdırım: “Xahiş edirəm, deyin mənim videolarımı musiqi ilə montaj edərək sosial hesablarda yaymasınlar. Mən aktrisa deyiləm, bələdçiyəm, yaralarım isə göründüyündən daha dərindir”.